Südtirol Guest Pass

Vacanzes tl Südtirol: Furné ncantëur per ziteies y cuntredes cun na cherta de viac sëula

L Südtirol Guest Pass ie da giapé debant te dut l Südtirol te truep eserzizies rezetifs. Persones che fej vacanza tl Südtirol possa se nuzé cun chësta cherta de viac ntan si permanënza di mesuns de trasport publics a na maniera saurida y flessibla.
N valguna variantes dl Südtirol Guest Pass dà nce la puscibiltà de vijité debant na lingia de museums y culezions y / o de se nuzé de ufiertes mplù tl raion de vacanza. Nfurmazions plu prezises dà i eserzizies rezetifs o i ufizies per l turism.

L Südtirol Guest Pass ie da cunvalidé dan uni viac pra i njins de cunvalidazion brums tla curieres o tla stazions cun n check-in scëmpl:

• L Südtirol Guest Pass cun la striscia magnetica ie da mëter ite da lassù ju tl njin de cunvalidazion.
• Chertes Contactless ie da tenì permez al sensor di njins de cunvalidazion.

Nsci vëniel fat la cunvalidazion y la cherta de viac ie vel.