museumobil Card
Se goder la cuntreda, viver la storia y la cultura
La museumobil Card cunlieia doi ufiertes: l furné ilimità cun la curieres y la ferata n 3 o 7 dis ndolauter y nce la ntreda te bën 90 museums y culezions te dut l Südtirol. La cherta possa unì adurveda per duc i mesuns de trasport publics dla provinzia y per la ferates regiuneles nchin a Trënt.
Da giapé
Pra la lueges de venduda südtirolmubiltà, ti ufizies dl turism y te n valgun museums.
La cherta museumobil Card ie na cherta Contactless persunela y nia trasferibla. La ie da cunvalidé uni iede dan che n furnea pra i njins de cunvalidazion brums tla curiera o tla stazions. L tleca tenì la cherta permez al sensor. Sun la cherta dovia iel da scrì l inuem y la data de validità dan che n l’adrova per l prim iede (l medemo di o 3 o 7 dis de calënder dala prima cunvalidazion).
| Persones adultes | Junior (da 6 a sota 14 ani) | |
|---|---|---|
| museumobil Card 3 dis | 30,00 Euro | 15,00 Euro |
| museumobil Card 7 dis | 34,00 Euro | 17,00 Euro |