Pucajia y d’autra roba

Cufri, tasces o schi: (belau) dut po unì tëut pea

Passajires possa tò pea debant pec de pucajia y d’autra roba sun i mesuns de trasport südtirolmubiltà. Tlo leprò tochel: tasces, cufri, bagli, stuei a rodes, schi, snowboards, lueses, rodes da plië adum y rodes per pitli sota 20 zol.

La cundizion ie for chëla che l sibe lerch assé y che la segurëza sun l mesun de trasport y la nuzeda dl servisc per i autri passajires ne vënie nia limitedes tres la cumpëida y la grandëza dla roba.

Sun i pec de pucajia y i ogec muessa i patrons cialé nstësc. L ie da mëter verda che l viac y l zapé ite y ora dal mesun de trasport ne vënie nia limitei dala roba che n tol pea, che la portes d’azes sibe da arjonjer y che l ne vënie nia ocupà posć da senté.