bikemobil Card
Atifs tres l Südtirol: Fé sport jan ncantëur cun la curiera, la ferata o la roda
La bikemobil Card cunliëia doi ufiertes: pudëi furné ncantëur zënza lims cun la curiera y cun la ferata per 1 n di, per 3 o per 7 dis ndolauter coche nce pudëi fé na jita de n di cun na roda da mpresté (model standard).
Coche cherta de viac persunela possa la bikemobil Card unì nuzeda sun duc i mesuns de trasport publics dla provinzia, nce sun la ferates regiuneles nchin a Trënt. La ne autorisea nia a tò pea la roda mpresteda sun i mesuns de trasport publics, ma la dà la puscibiltà de fé jites flessibles cun n “intermezzo sportif” y la roda mpresteda possa inò unì data jù pra l pont de mprëst che n uel.
Da giapé
Pra la lueges de venduda südtirolmubiltà autorisedes, ti ufizies turistics y pra i mprësć de rodes che fej pea.
La bikemobil Card ie na cherta contactless persunela, che ne possa nia unì data inant. La ie da cunvalidé dan uni viac pra i njins (cunvalidadëures) brums tla stazions o tla curiera. L tleca tenì permez la cherta al sensor. Sun la cherta dovia iel da scrì ite dan che n l’adrova l inuem y la data de canche la vel (l medemo di, 3 o 7 dis do la prima cunvalidazion).
| Persones adultes | Junior (da 6 a sota 14 ani) | |
|---|---|---|
| bikemobil Card 1 di | 25,00 Euro | 12,50 Euro* |
| bikemobil Card 3 dis | 30,00 Euro | 15,00 Euro* |
| bikemobil Card 7 dis | 35,00 Euro | 17,50 Euro* |