Pass de scola

Cherta de viac: Da cësa a scola o te istituzions prutejedes

L pass de scola ie na cherta de viac persunela, nia trasferibla (cherta da mustré ca) per la nuzeda debant de mesuns de trasport publics sun na cërta trassa y te tëmps determinei per chësta grupes de persones:

Pass de scola “S” per sculées y sculeies che à la rejon de se nuzé di servijes de trasport per sculeies o dl trasport de sculeies dl servisc de linia. Chësta cherta de viac ti dà la puscibltà n i dis de scola de furné sun la trassa danter l luech de residënza y la scola. La trassa curespundënta y l tëmp de validità ie scric sun la cherta de viac.
Priesc al ann: 20 Euro.
Chi che à, ora che l pass de scola, nce n Südtirol Pass abo+ paia mé un n iede 20 Euro. Sculées y sculeies cun dejabiltà giapa l pass de scola debant.
L pass de scola per sculées y sculeies vën damandà tres la scoles curespundëntes. L formuler vën mandà dal ufize assistënza scolastica ala scoles.

Pass de scola “O” per persones cun dejabiltà, che tol pert a programs per la ntroduzion tl lëur. Chësc pass de scola ie per persones che ie bones de se nuzé da sëules de mesuns de trasport publics, ma che ne à nia i recuisc per n Südtirol Pass free, y l ti dà la puscibiltà de se nuzé n i dis de lëur di mesuns de trasport publics y di servijes de trasport mé sun la trassa anuteda sun la cherta; chësta ie normalmënter la trassa danter l luech de residënza/ l cunvit y la berstot prutejeda / l post de lëur.
L pass de scola per la ntroduzion tl lëur y la persones assistedes dl cumprensore raionel vën damandà tres i ufizies cumpetënc, chël ie i cumprensoresc raionei, l’Azienda sanitera Bulsan, i zëntri de colocamënt dl lëur.